السلام عليكم ورحمة الله وبركاته
هذي رواية من تأليفي اتمنى انهاا تعجبكم
............. القصـــة .............
في احد احياء الرياض الكبيرة تعيش اسرة غنية جدا , ذات مكانة كبيرة في المجتمع ,
نعرفكم على عائلة ( أبــــو فيصــــل ) ..
ابو فيصل / عبد الله رجل مثقف كون هالثروه الكبيره بنفسه شديد شوي وإذا قال كلمه تتنفذ ــ
أم فيصل / حنونه وطيبه تحب النظام والدقه في كل امورها ــ
ساميه / البنت الكبيره متزوجه وعندها ولد وبنت خالدــــ ريم ـ
رنا / مغروره حيل أهم شي عندها الموضة وصديقاتها , تدرس مستوى خامس باالجامعة ـــ
فيصـــل / متخرج من الجامعة بكاليريوس تجارة تقدير ممتاز , ويشتغل مع أبوه في شركتهم , إنسان متفوق ذكاءه حاد
وشخصيته مرحه وإجتماعي يعتمدون عليه اهله بكل شي , يتميز بجماله طوله حلو وجسمه رياضي ـــ
نجود/ آخر العنقود حلوه وحبوبة مره أهم شي عندهـا الوناسة والضحك أول سنه في الجامعه ـــ
............................. البارت الأولـــ .................................
في قصر ابو فيصل الكبير وفي أرجاءه الواسعة وبالتحديد في غرفة فيصل < فيصل نايم والساعه الحين 9 صباحاً <
نجود ـ وهي تدق الباب ـ : فييييييصل فصووووووولي فيصاااااال قوووم يلا بسرعه لاتأخرني عندي محاضره
وأبوي يقوول صحووه فيه اجتمااع مهم , يلا قووووووم كفايـــه نوووووم ؛
فيصـــل : ...................
نجود : يووووووووووووووه باقي للحين نايم قوووم يلا فيصااااااااااااااااااااال فصووووووووولي يلا عاااد قووم
فيصل : بسس خلاااص ارحميني راديوو ذا موبلساان .. روحي يلا دقايق وأقوم ان شاء الله ـ
نجود : لا حبيبي نوو وااي دقايق ذي لوكانت الساعه 7 ولا 8 الحين الساعة 9 وأنا متأخره ودادي يسأل عنك ويقوول صحوه و..
فيصــل ـ وهو يفتح الباب ـ : خلاص مابي لادقايق ولا ثواني بس ابي افتك من لسانك ذا ياقلق فكي عني يلا ـ
نجود : صباح الورد والفل وعطور المملكه كلـهاا ــ
فيصل : يتثاوب < ــ
نجود: يلا بدل سرييع سريع علشان الحق محاضرتي ..
فيصل : وليه مارحتي مع رنا يوديكم السواق ـ
نجود : تصدق راحت وخلتني ويوم اتصلت عليها تقول نسيت انك معي بالجامعه ,
فيصل : طيب بلبس وانزل ــ
نجود: بسس لاتتاخرــ
فيصـل : اقول ورا ماتضفين وجهك ترى صدعتيلي راسي , ـ
نجود: خلاص بنزل لاتعصب ــ
....... في الشركــــــــة ...........
بعد إنتهاء الاجتماع قعد ابو فيصل مع ولده فيصل يراجعون بعض الأوراق ؛
أبو فيصــل : إذا استمرينا على النظام المتبع الان بنتوفق ان شاء الله ـ
فيصــل : إن شاء الله يبه , بس انا سمعت ان فيه شركــة منافسة والمتخصصه في مجالناا بترسل مندوبين لأمريكــا علشان الاستثمار فتح ابوابه لمثل هالتخصص , فـ ياليت تدرس الموضوع وتحاول تستفيد من الفرصة هذه ــ
أبو فيصــل : فعلا انا كنت افكر بنفس الموضوع وكنت ابي اكلمك فيه ــ
فيصل : خلاص يبه توكل على الله وشوف لك واحد يكون ثقه وعنده خبره يسافر ويمشي الامور في الفرع الجديد هناك ـ
أبو فيصل : انت عارف ياولدي انا ماأثق غير فيك علشان كذا قررت ارسلك هناك ــ
فيصــل : أنــا ؟! لا يبه دور واحد غيري السالفه تبي تطول وانا مالي خلق اسافر ـ
ابو فيصل : مافيه الا انت . وبعدين مهي اول مره تسافر امريكا قد سافرت ودرست وعندك لغه وانت انسب واحد
وابي ارسل معك مصطفى يساعدك ــ
فيصل : والله يبه مالي خلق , وبعدين اصحابي اجتمعوو علشاني الاسبوعين هذي ودي اكون معاهم ــ
ابو فيصل : لاتحاول انا قررت انك انت اللي تروح لا تراددني خلاص ــ
فيصــل : سم يبه اللي تامر فيه . مايصير خاطرك الا طيب ــ
ابو فيصــل : ايه ياولدي الله يرضى عليك ابيك تتجهز السفر اخر الاسبوع هذا انا رتبت كل شي ــ
فيصــل : طيب ان شاء الله ـ
ابو فيصل : يلا مشينا ترى عمك عازمنا على الغدا في بيته وحنا تأخرنا عليه ـ
فيصل : يلا ـ
......... في بيت ابو نواف ( عم فيصل ) .........
ابو نواف < محمد < : اخو ابو فيصل الوحيد ويعز عليه غني بس مو بمستوى اخوه ـ
ام نواف : انسانه متكبره وشايفة نفسها وأهم شي عندها الفلوس ــ
هيفــاء: بنت لاتقل عن امها في غرورها وتكبرها , تحب فيصل بجنـــون ــ
نواف : ولدهم الصغير بخامس ابتدائي ــ
،،،،،،
هيفاء كانت بغرفتها تحط مناكير , دخل عليها اخوها نوااف ...
نواف : توقعي ميين جانا ـ
هيفاء : مايهمني وبعدين انت مين سمحلك تدخل غرفتي يلا انقلع اطلع براا ـ
نواف : خلاص ابي اطلع ولاني معلمك ان اللي جانا هو عمي وفيصل ـ
هيفاء طمرت من مكانهاا وقامت تنااقز في الغرفة من الفرحــــة وقربت من نواف
هيفاء : نوااف حبيبي تتكلم جد ؟
نوااف : الحمد لله والشكر قبل شوي طاردتني ياعيني على الحب هذا كله علشان فيصل ـ
هيفاء : مالك شغل يالاثول , ويلا انقلع عني انا الغلطانة عطيتك وجه ـ
وصل ابو فيصل وولده ورحب فيهم محمد وقلطهم بالمجلس
ابوفيصل : آسفين على التأخير , بس انشغلنا شووي ياخووي ــ
محمد: معذوور ياخووي الله يكوون بعوونك ان شاء الله , شلونك يافيصل ؟
فيصل : الحمد لله ياعمي , وانت شلونك طمنا عنك ؟
محمد : الحمد لله ياولدي بخير وعافيه ـ
قطع حديثهم صوت هيفاء جاي من ورى الباب
هيفاء : مو معقولـة عمي عندناا اليووم يااهلا وغلا , والله هاليووم هو احلى يووم بحيااتي لأنك عندنا >> تقصد فيصل ــ
ابو فيصــل : هلا هلا ببنيتي شلونك ياهيفااء ؟
هيفاء : الحمد لله ياعمي بخير وسعاده بشوفة الغاليين,, ,, وأنت يافيصل شخبارك؟
فيصل : الحمد لله ــ
هيفاء وقلبهاا بيطلع من مكانه لانها سمعت صووت فيصل : عمتي والبنات شلوونهم ترى واحشيني مووووت ــ
فيصــل : كلهم بخير ( وفي نفسـه : ماسرع وحشووك وانتي قبل امس عندنــا ) ـ
محمد : يلا يالربع تفضلوو الله يحييكم للغداا ــ
فيصل وابو فيصل : الله يبقييك ــ
،، وبعد ماخلصوو أكــل قاام فيصل وراح يغسل ايديه ,,
وهيفاء كانت فاتحه باب الغرفة اللي مقابله للمغاسل على طوول, وكانت تتأمل فيصل بكل حب وشووق,,
وبعد ماخلص فيصل التفت إلا هيفا بوجهه طبعا نزل راسه وبخطوات سريعة دخل للمجلس ,,
بينما هيفااء بمكانها تضحك بالانتصار اللي حققته ( وهو انها تخلي فيصل يشوفها) ـ
,, وبعدين طلعت لغرفتهاا ,,
هيفاء مسكت الجواال ودقت على صديقاتها
هيفاء : الــــــــوــ
احلام : هلا والله ــ
هيفاء: شفته يأحلام شفته اليوووم وهو بعد شافنــي ــ
احلام : مين؟
هيفااء : مين بعد يالثوره فصوولي , ياااي شزينه يهببل يجنن ــ
احللام : هههه طيب وين الجديد , مو انتي كل شوي تشوفينه ويشوفك مره دخلتي الغرفه بحجة انك ماتدرين انه موجود , ومره مانتبهتيله يوم دخل ومره ماسمعتيه , أعد واغلط و كل مره بعذر ــ
هيفاء : لا اليووم كاان غير ’ الله ياأحلام لو شفتيه فديته وفديت عيونه بس ياربي متى نتزووج ــ
احلاام : ان شاء الله قرريب نسمع الاخباار الطيبه بس مو تنسين تعزميني هههههه ــ
هيفااء : اكيد انتي يالهبله بتكونين أول المعاازيم ــ
................. في بيت ابو فيصل ** موعـد سفر فيصـل ** ....
فيصــل : يمه بس كاافي قطعتيلي قلبي يالغالية تعرفين انا كل شي الا دمووعك ـ
ام فيصل : غصبن عني ياوليدي موو بيديني انت رايح للغربه وتبي تطوول هنااك ـ
فيصل : يايمه ياحبيبتي كل يوم بدق عليكي وأطمنك علي وهي فتره بسيطة وارجع ان شاء الله , وبتشوفين ابي ادق كل يووم لين تطفشين , لين تقولين ( يقلد صوت امــه ) : يافصول لاعاد تدق ترااك ادوختني ــ
ام فيصل وهي تضحك : الله يحفظك ياوليدي
فيصل حب راس امه : ايه يمه دعواتك لي ترى مالي غنى عنهاا ـ
نجود حطت اصبعها على كتف فيصل : والتفت لها فيصل :
نجود : يعني اكيد بتسافر؟
فيصل : لا قاعد امزح معكم ـ
نجود : وانا طول الفتره اللي بتسافر فيهاا شسوي ؟ مع مين اسولف واتناقر , مين اللي احكيله عن مغامراتي في الجامعه
والله بتوحشني ياخوووي ( تبكي ) ــ
فيصل : يابنت الحلال انا ماصدقت امي سكتت عن الصياح تجين انتي ,,, بس عااد
قرب من اختها وضمها : تطمني ابي اكلمك كل يووم لاتخافين حتى وانا هناك بسببلك قلق ماخليكي ترتاحين ـ
ساميه ودموعها على خدها : والله بتوحشني ياخووي وعيالي بعد بيفتقدون وجودك حواليهم ـ
فيصل باس راس اخته وباس عيالها : وانا بعد بفقدكم بس شسوي ضروف الشغل هي اللي أجبرتني ــ
رنــا : مع السلامة ياخووي بس مو تنسى جيب معاك هدايا وانت راجع وياريت تجيب لي فستان نفس فستان انجلينا جولي اللي لبسته في الاووسكاار ــ
فيصل : ايه ابشري بجيبلك انجلينا بكبرها هي وبزارينهاا ــ
ــ الكل ضحك ــ
....... صوت جرس الباب .....
ام فيصل : شوفي من عند الباب ياريتاا ـ
دخلت اخت ام فيصل ( نوره ) مع بنتــهاا ( عبير ) ـ
ام فيصل : ياهلا والله تفضلوو حياكم ـ
نورة : والله ياوخيتي سمعت ان فيصل بيسافر قلت اسلم عليه قبل لايروح ـ
فيصل : هلا خالتي ( باس راسها ) كيفك ياخاله وش لونك؟
نورة : والله بخير الحمد لله ولو اني تنكدت يوم دريت انك بتسافر ـ
عبير : تروح وترجع بالسلامه يافيصل ( عيونها تلمع من الدمووع ) ـ
فيصل : الله يسلمك من الشر ــ
** عبير بنت خالة فيصل تحب فيصل من هم صغار بس هي بنت مؤدبه ومحترمه **
..... صوت جرس الباب مره ثانيه ...
ام فيصل : شوفي مين ياريتا ـ
ريتا : حازر مدام ( وفتحت الباب ) .. وعلى طوول سمعوو ا صوت بكااء من ورا الباب << تتوقعون مين؟!!
دخلت هيفاء وأمها معها <<
ام هيفاء : السلام عليكم ـ
الجميع : وعليكم السلام ورحمه الله وبركاته
هيفاء بتتقطع من البكاء <<
ام هيفاء : خلاص يابنيتي ارحمي نفسك ـــــ التفتت لأم فيصل ـــ اعذريها ياأم فيصل تعرفين شكثر بنتي حساسه من يوم سمعت بسفر فيصل ولد عمها وهي هذا حالها ــ
ام فيصل : بس يابنيتي لاتزيديني على اللي فيني خلااص ــ
هيفاء قربت من فيصل : حرام عليك كيف تسافر وتتركنا وتترك عمي وخواتك مافكرت ايش يصير فيهم اذا غبت ؟
فيصل ناضر اخته نجود وهو ماسك الضحكة : معليش ياهيفاء مو بكيفي بس اخر مره ــ( يتتريق عليها )ـ
نجوود فكة الضحكه على كلام فيصل ـ
هيفاء والدموع اربع اربع << متغطيه بس الغطااء خفيف على وجهها : كل مره تسافر وتتركهم يعانوون بغيابك ــ
... طبعا الكل كان يناظر هيفاء باستغراب خاصة عبير اللي كان ودها تخنق هيفاء وتوريها الفلم الدرامي اللي قاعده تسويه ـ
,, طبعا هي بينها وبين هيفاء كره بسبب التنافس القائم على فيصل ’’
فيصل خذا شنطته ورااح للباب : يلا مع السلامه لازم الحق موعد الطياره تاخررت كثير مع السلامه يمه مع السلامه كلكم ـ
الجميع : مع السلامه ـ
ام فيصل : الله يحفظك ياوليدي ويرجعك سالم ان شاء الله ـوهي تبكي ـ ونوره والبنات وعبير يواسونها ويحاولون يخففون عنها ـ والكل كان حزين على سفر فيصل ـــ
7
7
7
7
7
7
7